Prishtinë, 3 qershor 2013

Organizuar nga Koalicioni Anti-duhan, sot në Prishtinë u organizua një punëtori kushtuar zbatimit të Ligjit për Kontrollin e Duhanit, i cili ka hyrë në fuqi më 22 maj 2013.

Pjesëmarrës të kësaj punëtorie ishin rreth pesëdhjetë inspektorë sanitarë nga  komunat e ndryshme të Kosovës, të cilët në bashkëpunim me përfaqësuesit e Koalicionit Anti-duhan (MSH, OBSH, KADC …), referuan për ditët e para të zbatimit të Ligjit për Kontrollin e Duhanit, rezultatet e para dhe sfidat e mëtejme në zbatim të këtij ligji.

Hyrja në fuqi e Ligjit për Kontrollin e Duhanit përveç dobive që do t’i sjell për shëndetin e qytetarëve, u vlerësua se po sjell edhe një ndryshim pozitiv kulturor në Kosovë, me zbatimin e tij

Prishtinë, 31 maj 2013
Me slloganin: “Merr frymë shlirë”, Ministria e Shëndetësisë në bashkëpunim me Organizatën Botërore të Shëndetësisë dhe organizatën KADC shënoi sot Ditën Botërore pa Duhan, e cila sivjet në nivel global shënohet me moton: “Ndalo promovimin, sponzorimin dhe reklamimin e duhanit”.