Minsitry of Health

Nesër në ora 8:45, grupi i parë i mjekëve dhe  infermierëve të Qendrës Klinike Universitare të Kosovës, do nisen për trajnim dy javor në Çeki. Trajnimi i tyre do të mundësohet në kuadër  të   Memorandumit të Mirëkuptimit të nënshkruar më 16.12.2008, ndërmjet Ministrisë së Shëndetësisë së Kosovës dhe Ministrisë së Shëndetësisë së Çekisë, përkatësisht  marrëveshjes së nënshkruar  ndërmjet Qendrës Klinike Universitare të Kosovës dhe Fakultetit Nemocnicne Vinhoradly të  Çekisë.
 Në trajnim do shkojnë 15 punëtorë shëndetësorë, 2 mjekë gastroentereolog- endoskop,  2 infermiere instrumentare në sallat e operacionit, 2 infermiere të Njësisë së Kardiologjisë në Qendrën Emergjente, 2 anesteziolog, 2 specialistë të emergjencës, 2 kirurg laporaskop, 1 infermier nga Mjekimi Intensiv dhe 1 infermiere nga shërbimi i Endoskopisë dhe 1 infermiere nga shërbimi i Emergjencës. 
Në fazën e parë   është realizuar donacioni i pajisjeve dhe materialit shpenzues për nevojat e Qendrës Emergjente dhe Mjekimit Intensiv. Janë dhuruar aparate të anestezionit , laparaskop, gastroskop, autoambulancë moderne e kompletuar dhe një sasi  e materialit shpenzues.