Minsitry of Health

Ali Sadriu, ish -ministër i Ekonomisë dhe Financave në Qeverinë e Kosovës, është zgjedhur drejtor i ri i Qendrës Klinike Universitare të Kosovës (QKUK).

Për këtë zgjedhje ka vendosur Paneli intervistues, i cili duke u bazuar në Ligjin mbi Shërbimin Civil në Kosovë, Urdhëresën Administrative për zbatimin e këtij ligji, Udhëzimin Administrativ 2003/1 dhe në Statutin e QKUK-së, ka intervistuar të mërkurën kandidatët, të cilët kishin aplikuar në konkurs.
Intervistimi i kandidatëve është mbikëqyrur nga Këshilli i Pavarur Mbikëqyrës, ndërsa intervistimit i janë nënshtruar nëntë kandidatë.
Drejtori i ri ekzekutiv i QKUK-së do të ketë kontratë 2 vjeçare, ndërsa për tre muaj, ai do t’i nënshtrohet periudhës provuese.
Ali Sadriu deri tani ka ushtruar detyra të ndryshme.  Ndër të tjera ai ka qenë për 4 vjet, drejtor financiar i Fakultetit të Mjekësisë, drejtor Financiar i BANKKOS-it, bashkëdrejtues i Autoritetit Qendror Fiskal (AQF), 5 vjet deputet në Kuvendin e Kosovës  3 vjet ministër i Ekonomisë dhe Financave, etj.