Minsitry of Health

Ministri i Shëndetësisë i Republikës së Kosovës, Alush Gashi, falënderon personelin e institucioneve shëndetësore të Republikës së Kosovës për respektim të vendimeve të Ministrisë së Shëndetësisë që kanë dalë si rekomandime të Organizatës Botërore të Shëndetësisë, për zbatimin e masave parandaluese dhe trajtimin e Gripit A H1N1.

Ministri kërkon nga institucionet shëndetësore të vendit që me përpikëri t’i raportojnë të gjitha rastet e rënda nga Gripi Sezonal dhe Gripi A H1N1.

Në respektim të Ligjit për Shëndetësi, ministri kërkon që te rastet e vdekjeve të dyshuara nga Gripi  A H1N1 të bëhen ekzaminimet e duhura mjekësore, përkatësisht të bëhet obduksioni për të konstatuar shkaqet e vdekjes sikur e parasheh Ligji.