Minsitry of Health

Ministri i Shëndetësisë i Republikës së Kosovës, Alush Gashi bashkë me zëvendësministren Mybera Mustafa, Sekretarin Permanent Haxhi Kamberi dhe twrw kabinetin e tij ka qëndruar gjatë ditës së sotme në Qendrën Klinike Universitare të Kosovës ku ka zhvilluar një takim pune me drejtorin ekzekutiv të QKUK-së Ali Sadriu dhe stafin e tij.

Duke ofruar mbështetjen e plotë të Ministrisë së Shëndetësisë për drejtorin dhe avancimin e kapaciteteve dhe shërbimeve në QKUK, ministri Gashi ka thënë se në vitin e parë të mandatit, nën drejtimin e tij Ministria ka qenë e përkushtuar në ndaljen e trendit të degradimit të sistemit shëndetësor, në vitin e dytë në krijimin e një sistemi të suksesshëm në të gjithë parametrat, derisa ky vit duhet të jetë vit i decentralizimit të QKUK-së dhe përmirësimit të shërbimeve shëndetësore në twrw vendin.

Në arritjen e këtij objektivi, Ministria ka ofruar mbështetjen e Ministrisë duke theksuar në të njëjtën kohë, se është përgjegjësi e ekzekutivit të qendrës që të ndalojë veprimet të cilat nuk I kontribuojnë zhvillimit të qendrës.

Drejtori ekzekutiv Ali Sadriu ndërkaq ka theksuar vështirësitë që i ka gjetur kur e ka marrë mandatin dhe ka theksuar sfidat të cilat e presin QKUK-në gjatë këtij viti.

QKUK ka shpenzuar 96 për qind të buxhetit duke përmirësuar kështu linjat e shfrytëzimit buxhetor.

Në takim është folur edhe për projektet e përbashkëta që MSh e QKUK kanë për këtë vit, në kuadër të ngritjes së cilësisë së shërbimeve në këtë qendër.