Minsitry of Health

Prishtinë, 20.08.2010

Sot në Ministrinë e Shëndetësisë, u bë dorëzim-pranimi i 5 karrocave, donacion ky që organizata joqeveritare “HANDIKOS” e dedikon  për nevojat e Qendrës Klinike Universitare të Kosovës. Afrim Maliqi, drejtor i HANDIKOS-it tha se kjo nuk është hera e parë që kjo organizatë ndihmon institucionet shëndetësore me pajisje të këtij lloji, megjithëse sasi simbolike, shpreson se sa do pak do t’i përmirësoj kushtet për pacientët.
Dr. Lulzim Çela, këshilltar i Ministrit të Shëndetësisë, Bujar Bukoshi, ka falënderuar donatorët dhe ka inkurajuar ata për punën që bëjnë duke theksuar se do të jetë një zë i fuqishëm për të avokuar për të drejtat e personave me nevoja të veçanta. Ai ka thënë se Ministria e Shëndetësisë do të hartoj dhe zbatoj politika anti-diskriminuese që do tu garantojnë të drejtë dhe qasje në shërbime shëndetësore të gjithë qytetarëve pavarësisht gjinisë, moshës apo kufizimit të aftësisë.
 HANDIKOS-i është organizatë joqeveritare, që mbështetet financiarisht nga Ambasada Finlandeze, ashtu edhe nga shumë donatorë të tjerë ndërkombëtar. Ka rrjet aktiv në 26 komuna të Kosovës, me 14 qendra që ofrojnë shërbime rehabilituese direkte për fëmijë si dhe 12 zyra lokale të cilat janë në shërbim të fëmijëve dhe të rriturve me aftësi të kufizuara.

Ky sondazh është projekt i përbashkët i Ministrisë së Shëndetësisë, IKSHP-së  dhe EPTISA, i financuar nga Komisioni Evropian

 Ministria e Shëndetësisë e Republikës së Kosovës, në kuadër të përpjekjeve të saj për të krijuar sa më shumë mbështetës të politikave të Shëndetësisë Publike, është duke u munduar të krijojë një mundësi për t’u dëgjuar zëri juaj sa u përket çështjeve të shëndetit, nëpërmjet të studimit lidhur me ngritjen e vetëdijes (ndërgjegjësimit) për shëndetin publik.

Ky hulumtim do të na ndihmojë të mësojmë  më shumë rreth shëndetit të qytetarëve tanë, dhe mënyrës  se si ata marrin informata të sakta për shëndetin.

Së shpejti, profesionistët do t’ju arrijnë dhe do t’ju lusin të plotësoni pyetësorët. Edhe pse e dimë se koha juaj është shumë e çmuar, ne duhet të dëgjojmë prej juve.

Ju apelojmë që të jeni në dispozicion  dhe ta ndihmoni Ministrinë e Shëndetësisë për të mbledhur këto informacione.

Realizimi i sondazhit fillon prej datës 16 gush dhe do të zgjasë dy javë.

 

Nëse keni ndonjë pyetje rreth sondazhit, ju lutemi të kontaktoni në këta numra të telefonit:

038 200 24 131 (Departamenti i Informimit i Ministrisë së Shëndetësisë)

038 200 24 016  (Projekti SWAP Health)