Minsitry of Health

Ministri i Shëndetësisë i Republikës së Kosovës, Ferid Agani, priti sot në një takim Dr. Dario Sirovec, drejtor i Grupit mjekësor nga Kroacia “Ventus Pharma Med Vertebralis”, i shoqëruar nga drejtues të shëndetësisë nga komuna e Pejës.
Në këtë takim është biseduar për mundësitë e bashkëpunimit në kuadër të partneritetit publiko-privat në shëndetësi midis këtij grupi mjekësor dhe shëndetësisë kosovare në fushat e interesit të përbashkët siç janë  trajtimi terapeutik dhe diagnostik i sëmundjeve malinje, sëmundjet e sistemit mushkëror, ortopedi dhe në fushën e edukimit të vazhduar profesional.
Ministri Agani ka mirëpritur interesimin e investitorëve potencialë kroatë për investime në shëndetësinë e Kosovës brenda kornizës ligjore në fuqi dhe ka ofruar gatishmërinë e MSh-së për të lehtësuar procedurat që ndihmojnë në konkretizimin e këtij bashkëpunimi.

Bordi Qendror për Shkollim Specialistik (BQSHS), pasi ka analizuar situatën nga procesi administrativ i punës për konkursin e fundit për specializime, njofton kandidatët që kanë konkurruar për specializime se provimi kualifikues, i shpallur nga MSh-ja me datën 02. 12. 2011, planifikohet të realizohet nga data 20 deri më 24 shkurt 2012.
Data, vendi dhe ora e mbajtjes së provimit specialistik, sipas grupeve dhe lëmive do të shpallen paraprakisht në web faqen zyrtare të Ministrisë së Shëndetësisë.
Bordi Qendror për Shkollim Specialistik rikujton kandidatët se pjesa e konkursit për Farmacinë është anuluar.

Ministri i Shëndetësisë i Republikës së Kosovës, Ferid Agani me bashkëpunëtorë, priti sot ekipin e mjekëve amerikanë të organizatës  “Për Zemra dhe Shpirtra “ (For Hearts and Souls), të kryesuar nga Dr. Kirk Milhoan , që ditë më parë bashkë me Dr. David Bush dhe Dr. Ramush Bejiqin , në Qendrën Klinike Universitare të Kosovës me sukses të plotë bënë implantimin e pejsmekerëve te dy fëmijë kosovarë.

Pas analizës së konkursit të fundit, konsultimeve me Kabinetin e Ministrit, Zyrën e Sekretarit të Përgjithshëm dhe miratimit  të kërkesës së Bordit Qendror për Shkollim Specialistik (BQSHP), është marrë vendim për anulimin e pjesshëm të konkursit të fundit të specializimeve, të shpallura nga Ministria e Shëndetësisë, me datën 02. 12. 20111, gjegjësisht për anulimin e konkursit që ka të bëjë me lëmin e Farmacisë.