Minsitry of Health

Ministri i Shëndetësisë i Republikës së Kosovës, Ferid Agani, Sekretari i Përgjithshëm i MSH-së, Ilir Tolaj, kryetari i Komunës së Mitrovicës, Avni Kastrati, dhe individë të tjerë të dalluar të fushës së shëndetësisë, u nderuan sot me mirënjohje nga kreu dhe punonjësit e Spitalit Rajonal “Dr.Sami Haxhibeqiri” të Mitrovicës, për kontributin e dhënë në funksionalizimin e traktit operativ të këtij spitali gjatë këtij viti.

Në këtë ceremoni ku ishin të pranishëm punonjësit shëndetësor të këtij spitali, drejtori i Spitalit Agim Peci dhe punonjësit shprehën mirënjohjen e tyre për Ministrinë e Shëndetësisë dhe Komunën e Mitrovicës, të cilat ndihmuan që prej gjysmës së nëntorit, në SR të Mitrovicës të funksionalizohet shërbimi njëzet e katër orësh i Kirurgjisë, Anesteziologjisë dhe Emergjencës.
Gjithashtu, falënderime MSh iu shprehën edhe për vendimin që të ndajë 24 vende për mjekët nga kjo komunë për specializime, të cilët pas përfundimit të shkollimit specialistik, do të jenë në shërbim në SR të Mitrovicës.